close
其實我唔想喺呢個新地方散播負能量，但既然要真實咁寫心底嘅感受，就無可避免。
呢排嫉妒心作祟，朋友做到某尐事、得到某尐掌聲，我就唔甘心。唔抵得佢哋活得比我好，唔忿氣佢哋得到嘅比我多。總以為自己都有資格得到同樣嘅待遇。
好想超越佢哋，好想比佢哋勁，好想高人一等。不過，一直以來我都紙上談兵，無好好努力過，去爭取自己想要嘅嘢。事實上，佢哋值得比我好。
或者由細到大我就有呢種好勝自負嘅性格，只係最近愈黎愈強烈。心理唔平衡嘅傢伙。
朋友唔係應該替對方嘅順利而快樂咩？做乜我呢個壞人，會寧願佢哋唔如意？有人話：「真正嘅朋友唔係喺你順境時喺你隔離，而係喺你低潮時陪伴左右。」但係，我喺人哋低潮時出現或伸出援手，或者淨係想突顯自己嘅能力。我唔係一個好朋友，亦唔係一個真正嘅朋友。
到頭黎，我嬲嘅係自己嘅無能。到頭黎，我討厭我自己。我好醜陋。
想衷心祝福恭喜身邊嘅人，而唔係強顏歡笑。
文章標籤
全站熱搜
留言列表
